olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png
Буоратай.jpg

Охлопков
Егор Герасимович -
Буоратай

(05.01.1897 - 1974 сс.)
 

ССРС суруйааччыларын сойууһун чилиэнэ

Олоҥхоһут, тойуксут, суруйааччы

     Олорбут, үлэлээбит сирэ-дойдута – билиҥҥи Нам улууһун Фрунзе нэһилиэгэ.

   Аҕата – Охлопков Герасим Иванович (1848-1926 сс.). Ийэтэ – Охлопкова Анисия Яковлевна (1861-1936 сс.). Хатырык нэһилиэгиттэн төрүттээх. Бииргэ төрөөбүттэрэ – Спиридон, Иван, Варвара, Матрена Охлопковтар.

Урукку кэм киһитин быһыытынан оттоон-мастаан, үлэҕэ эриллэн олох ымпыгын-чымпытын билбитэ. Ыраас туттуулаах масс ууһа, кини тутуспут дьиэлэрэ Граф Биэрэгэр бааллар. Намҥа музыкальнай оскуола буолан турар. Колхозка киирэн араас үлэлэргэ, кэлин биригэдьиир, председатель быһыытынан үлэлээбитэ. Нэһилиэк сэбиэтигэр председателлээбитэ. Бэйэтэ үөрэнэн ааҕар-суруйар буолбута, кырдьан да баран кинигэ ааҕа олорор буолара. Аҕа дойду Улуу сэриитин кэмигэр үлэ фронугар сылдьыбыта.

Өссө сэрии иннинэ саха улуу киһитэ П.А.Ойуунускай салайыытынан саха омук былыргытын үөрэтии, олоҥхону сөргүтүү саҕаламмыта. Егор Охлопков “Сир үрдүттэн сидьиҥнэри сиппийиэҕиҥ”, “Борогуулсук Боскуруоп” хоһоонноро бэчээттэммиттэрэ. Кини тылыттан “Алантай Боотур” уонна “Үрүҥ Уолан бухатыыр” олоҥхолорун убайын уолугар Семен Иванович Охлопковка суруйтарбыта, ол билигин Гуманитарнай чинчийии институтугар харалла сыталлар.

    Е. Г. Охлопков 1939 с. П.А.Ойуунускай мэктиэлээһининэн ССРС Суруйааччыларын союһун чилиэнэ буолбута. Сэрии кэнниттэн Егор Герасимович эйэлээх олоҕу тутууга, алдьаныыны-кээһэниини туоратыыга актыыбынайдык кыттыбыта. Колхоз биир тутаах, үлэни кыайар киһитэ буолан мэтээлинэн наҕараадаламмыта. 1947 с. Егор Охлопков, Прокопий Ядрихинскай-Бэдьээлэ, Татьяна Ядрихинская, Ленинград блокадатын кыттыылааҕа, “Күн Дьөһүөлдьүт бухатыыр” олоҥхону туруоран Нам оройуонугар бастаан, Дьокуускай театрыгар көрдөрөн улахан биһирэбили ылбыттара.

    Е. Г. Охлопков кэргэнэ – Ядрихинская Ирина Ивановна үтүө-мааны майгылаах, сүрдээх үлэһит, үчүгэй асчыт, иистэнньэҥ бастыҥа, ыарыһах буолан эрдэ өлбүтэ. Кыыстара Соня оскуоланы бүтэрэн баран эмиэ ыалдьан өлбүтэ. Уоллара Иннокентий Егорович Охлопков Москваҕа Щепкин аатынан театральнай училищены саха биллиилээх артыыстара Ф.Потаповы, Л.Сергучеву, А.Кузьминаны о.д.а. кытта бүтэрэн Саха драмтеатрыгар бииргэ үлэлээбитэ. Сунтаар улууһугар бастакы народнай театры тэрийбитэ. Намҥа культура дьиэтин директорынан үлэлээбитэ. Кэргэнэ Альбина Охлопкова (Гусева), оҕолоро Александр, Ирина, Татьяна уонна сиэннэрэ билигин Электросталь, Москва куораттарга олороллор, үлэлии-хамсыы сылдьаллар.

    Егор Герасимович кэлин ыллаабат-туойбат буолбута, кырдьан-сааһыран 1974 с. күн сириттэн барбыта.

буоратай847_edited.jpg

Е. Г. Охлопков - Буоратай аймахтарын кытта 

Буоратай төрүччүтэ

olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png
Буоратай.png
olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png

Буоратай айымньылара

2022-02-08_09-37-54-165x250.png
2022-02-08_09-36-38-162x250.png
olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png

Буоратай туһунан бэчээккэ

2-1-164x250.jpg
Охлопков Егор Герасимович.jpg

Колмогоров, Е. - Быдый  Дьүгүөр, Аатын үйэтитиэххэ / Е. Колмогоров - Быдый Дьөгүөр // Эҥсиэли. 2009. - Тохсунньу 30 к. 

Охлопков Егор Герасимович.jpg

Ядрихинский, П. С., Киэһэттэн саҕалаан күнү таһаараллара / Ядрихинский П. С. // Эҥсиэли. 2009. - Тохсунньу 30 к. 

Буоратай сыла.jpg

Мухина, В. И., Буоратай сыла / В. И. Мухина // Эҥсиэли. 2012. - Тохсунньу 25 к. 

47801.jpg
Охлопков Егор Герасимович.jpg

Охлопков, Р., Охлопков Егор Герасимович Охлопков - Буоратай / Р. Охлопков // Эҥсиэли. 2009. - Тохсунньу 30 к. 

Тараҕанаҕа олоҥхо түһүлгэтэ.jpg

Орлова, С. А., Тараҕанаҕа олоҥхо түһүлгэтэ олохтонно / С. А. Орлова // Эҥсиэли. 2012. - От ыйын 7 к. 

Буоратай кинигэтин тула кэпсэтии.jpg

Дьяконова, Р., Буоратай кинигэтин тула / Р. Дьяконова // Эҥсиэли. 2016. - Муус устар 2 к. 

IMG-678x1024.jpg
Охлопков Егор Герасимович.jpg

Ядрихинская, Т. К., Өҥөтүн умнубат иэстээхпин / Т. К. Ядрихинская // Эҥсиэли. 2009. - Тохсунньу 30 к. 

Энсиэли чулуу олонхоьуттара.jpg

Лукинов, В., Тараҕана - Эҥсиэли чулуу олоҥхоһуттара / В. Лукинов // Эҥсиэли. 2012. - Кулун тутар 31 к. 

Киэн туттар киьибит.jpg

Охлопкова, А., Киэҥ туттар киһибит / А. Охлопкова // Эҥсиэли. 2017. - Кулун тутар 3 к. 

olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png

Киэҥ туттар дьоммут үбүлүөйдээх сылларыгар ананар 

Күлүмнүүр сүүрүктээх 

Өлүөнэ өрүспүт 

Илиҥҥи биэрэгэр турар

Уруккута Көбөкөн,

Билиҥҥитэ Фрунзе нэһилиэгэр

Кубулҕаттаах кулун тутар ыйга,

Тохсунньу тоһуттар тымныытыгар

Икки уол оҕо

Күн сиригэр оройдорунан түһэн,

Көй салгыҥҥа угуттанан,

Күөх окко күөлэһийэн

Тыыллан-хабыллан

Куорсун анньынан

Силигилээн сиппиттэр эбит.

Айбыт айымньыларын

Сурукка-бичиккэ тиһэн,

Бэдьээлэ, Буоратай диэн ааттанан,

Суон сурахтара Сойууска тиийэн,

Дьоһуннаах дьон буолан

Үйэлэр тухары

Сүппэт бэлиэни хаалларбыттар эбиттэр.

Кэнчээри ыччакка

Олоҥхо дойдутун арыйан көрдөрбүт

Айбыт айымньыларын 

Умнубат туһуттан

Ырытан-үөрэтэн

Илдьэ сылдьыаҕыҥ доҕоттоор!

Улуу дьоммут

Улууканнаах күннэрин

Уруйдуур буолуоҕуҥ!

Кинилэр ааттарын киэн туттан,

Сүһүөхтээх бэйэбит сүгүрүйүөҕүҥ!

Улуу дьоммут туһугар

Уруй-айхал буолуохтун!

Охлопкова Анна Егоровна

Фрунзе нэһилиэгэ

Бэй ыйын 15 к. 2011 с.

olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png
olonkhonukyrasaastaakho5olorghouieretii_1.png

Буоратай олоҥхотун толоруу

Все видео

Все видео

Все видео
Найти видео
Ала Кэрэ аттаах Алантай Боотур - Олоҥхо

Ала Кэрэ аттаах Алантай Боотур - Олоҥхо

20:38
Смотреть
"Алантай боотур " толорор Сивцев Виталий (олонхо)

"Алантай боотур " толорор Сивцев Виталий (олонхо)

06:26
Смотреть
Е Г  Охлопков – Буоратай “Алантай Боотур” олоҥхотуттан быһа тардыы

Е Г Охлопков – Буоратай “Алантай Боотур” олоҥхотуттан быһа тардыы

37:09
Смотреть
Е Г  Охлопкова   Буоратай Ала   Кэрэ Алантай Боотур

Е Г Охлопкова Буоратай Ала Кэрэ Алантай Боотур

03:59
Смотреть